Fëmijët i kemi amanet në supet tona, edukimi i tyre është përgjegjësia jonë, ne do japim llogari për mos/kujdesin tonë ndaj tyre, duhet ti këshillojmë dhe duhet të merremi me edukimin dhe përmirësimin e tyre, që të bëhen personalitet ashtu siç dëshiron madhëria e Allahut, subhanehu ve teala.
Nuk duhet të mjaftohemi vetëm me sigurimin e ushqimit, veshmbathjes dhe dëfrimeve të tyre, duke lejuar që të na largojnë angazhimet tona të dynjasë nga ndeja dhe kujdesi ynë për ta. Secili që e shpërfill këtë dhunti dhe nuk e jep maksimumin në edukimin dhe korrigjimin e fëmijëve ai do bëhet pishman në këtë botë, kur të rriten këta fëmijë, por edhe në ahiret, kur do jep llogari për këtë amanet.
Allahu i Madhërishëm thotë:
(يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ). [ سورة التحريم ، آية : 6]
Kurse Pejgamberi, ﷺ, thotë:
(إِذَا مَاتَ ابنُ آدم انْقَطَعَ عَنْهُ عَمَلُهُ إِلَّا مِنْ ثَلَاثٍ: صَدَقَةٍ جَارِيَةٍ، أو عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ). رَوَاهُ مُسْلِمٌ.
“KUR VDES NJERIU I NDËRPRITEN VEPRAT E TIJA PËRVEÇ TRI VEPRAVE:
Lëmosha rrjedhëse, dija nga e cila ka dobi dhe fëmija i mirë që lutet për te.
#Muslimi #haditheshqip
Ekuacionet edukative:
1- Kritikë lënduese + dominancë = personalitet i shkatërruar.
2- Krahasim negativ + nënçmim = shembje të personalitetit.
3- Mbrojtje të tepruar + mos dhënie të përgjegjësisë = pasivitet (mbështetet në tjerët)
4- Respekt + lavdërim = vetëbesim i lartë
5- Injorim i sjelljes negative + përqendrim në sjelljet pozitive = korrigjim i sjelljes
6- Angazhoje me përgjegjësi = ndihmoje kur ka nevojë = personalitet burrëror
7- Jepi besim + mbjell vlerën e sinqeritetit = vetëkontroll
E lusim Allahun e Madhërishëm që të përmirësojë sjelljen e fëmijëve tanë dhe fëmijëve të muslimanë dhe ti ruan nga çdo e keqe!
Bekir Halimi
