Dita e parë e Fitër Bajramit të mërkurën më 10 prill 2024

Këshilli i Bashkësisë Islame Gjakovë njofton besimtarët dhe opinionin e gjerë se dita e parë e festës së Fitër Bajramit është ditën e mërkurë më 10 prill 2024

Të gjitha xhamitë funksionale në territorin e Komunës së Gjakovës do të jenë të hapura për faljen e namazit të sabahut dhe të Fitër Bajramit.

Namazi i sabahut falet në ora 05:21 min. ndërsa namazi i Fitër Bajramit falet në ora 06:41 min.

Me rastin e festës së Fitër Bajramit, ditën e parë, më 10 prill 2024, Këshilli i Bashkësisë Islame Gjakovë, si tradicionalisht organizon pritje për mysafirë nga ora 09:00 deri në ora 11:00.

Këshilli i Bashkësisë Islame Gjakovë të gjithë besimtarëve dhe opinionit të gjerë ua uron festën e Fitër Bajramit, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!