Ministri francezë i Punëve të Brendshme Gerald Darmanin bëri të ditur se priftërinjtë duhet të raportojnë rastet e abuzimit seksual të fëmijëve në gjyq.
Eric de Moulins-Beaufort, president i Konferencës Franceze të Peshkopëve, u thirr në Ministri nga Darmanin pasi ai shpjegoi se “fshehtësia e rrëfimit” ishte superiore ndaj ligjit francez.
Darmanin tha në një deklaratë në Asamblenë Kombëtare pas takimit me De Moulins-Beaufort se “fshehtësia e rrëfimit” ka qenë në ligj për gati 200 vjet dhe, si në rastin e mjekëve dhe avokatëve, ai konsiderohet një “sekret profesional”.
Sidoqoftë, Darmanin theksoi se priftërinjtë që kanë njohuri se fëmijët nën moshën 15-vjeç janë abuzuar seksualisht dhe krimet janë kryer kundër tyre duhet ta raportojnë atë tek drejtësia, ndërsa vuri në dukje se priftërinjtë nuk duhet të justifikojnë “fshehtësinë e rrëfimit” në këtë rast.
Darmanin tha se i tha De Moulins-Beaufort gjatë takimit se nuk kishte asgjë më superiore ndaj ligjit francez.
“Franca respekton të gjitha fetë që respektojnë republikën dhe ligjet e saj”, tha Darmanin, duke shtuar se numrat e përshkruar në raportin e Komisionit të Pavarur për Abuzimin Seksual në Kisha (CIASE) e prekën atë.
De Moulins-Beaufort tha në një deklaratë se peshkopët e vendit, në bashkëpunim të ngushtë me autoritetet franceze, janë të përkushtuar t’i japin përparësi mbrojtjes së fëmijëve.
Beaufort, president i Konferencës Franceze të Peshkopëve, tha më 6 tetor se “fshehtësia e rrëfimit është më e lartë se ligji francez”.
Ai deklaroi se nuk e dinte nëse ata ishin të përfshirë në “çështjen e pedofilisë” sepse rrëfimi ishte konfidencial dhe se ndoshta kishte shumë që e bënë këtë, ndërsa shtoi se disa fëmijë që ishin abuzuar seksualisht flisnin gjatë seancave rrëfyese, dhe se ishte e nevojshme të sigurohej që fëmijët në këtë situatë të flisnin në kushte të tjera.
Anëtarja e Komisionit të Pavarur për Abuzimin Seksual në Kisha, Laetitia Atlani-Duault theksoi në një deklaratë se seancat rrëfyese nuk duhet të parandalojnë priftërinjtë të raportojnë raste të abuzimit seksual të pësuar nga fëmijët.
/trtshqip/
