CILA E PARA, PUNA APO JETA?

CILA E PARA, PUNA APO JETA?
Përgjigjet Dr. Sami Suvejlim, ekspert i ekonomisë islame:
“A duhet punuar për të jetuar? Apo duhet jetuar për të punuar?
Mund të duket si pyetje sofistike, por është shumë e rëndësishme nga pikëpamja praktike.
Nga këndvështrimi i ekonomisë islame, përgjigjia është e qartë. Ne jetojmë për të punuar: Në Kuran: “Allahu është Ai që krijoi vdekjen dhe jetën për t’ju vënë në sprovë se cili prej jush është më i miri në vepra.” Ne jemi krijuar për të punuar. Nga kjo rrjedh se prodhimi ka përparësi ndaj konsumit, megjithëse njëri nuk mund të ndahet nga tjetri. Nga ajo rrjedh gjithashtu se ekonomia, në kuptimin e menaxhimit të mirë, është qëllim dhe vlerë në vete sepse rrit produktivitetin, edhe nëse burimet janë të disponueshme. Nga kjo rrjedh se kënaqësia nuk është qëllim në vete, por mjet.
Ne duhet të riorganizojmë prioritetet në shkencën e ekonomisë!”
(Përshtatje nga arabishtja: Rijad Misini.)