19.1 C
Pristina
Wednesday, May 22, 2024

Këshilli i OKB-së për të Drejtat e Njeriut dënon sulmet ndaj Kuranit

Më të lexuarat

Rezoluta bën thirrje për dënimin e sulmeve që vënë në shënjestër Kuranin dhe i përshkruan ato si “akte të urrejtjes fetare”

Këshilli i Kombeve të Bashkuara (OKB) për të Drejtat e Njeriut ka dënuar sulmet e fundit ndaj Kuranit, pavarësisht votave të vendeve perëndimore kundër rezolutës, transmeton Anadolu.

Projekt-rezoluta u paraqit nga Pakistani në emër të Organizatës së Bashkëpunimit Islamik (OIC), organizatës ndërqeveritare 57-anëtareshe prej të cilëve 48 janë vende me shumicë muslimane.

Rezoluta bën thirrje për dënimin e sulmeve që vënë në shënjestër Kuranin dhe i përshkruan ato si “akte të urrejtjes fetare”. Ajo u vu në votim nga këshilli 47-anëtarësh.

Në seancën e 53-të të rregullt të Këshillit të OKB-së për të Drejtat e Njeriut rezoluta u mbështet nga 28 vende, ndërsa 12 vende votuan kundër dhe shtatë abstenuan.

Vendet që votuan në favor të rezolutës përfshinin Algjerinë, Argjentinën, Bangladeshin, Bolivinë, Kamerunin, Kinën, Bregun e Fildishtë, Kubën, Eritrenë, Gabonin, Gambinë, Indinë, Kazakistanin, Kirgistanin, Malavinë, Malajzinë, Maldivet, Marokun, Pakistanin, Katarin, Senegalin, Solaminë, Afrikën e Jugut, Sudanin, Ukrainën, Emiratet e Bashkuara Arabe, Uzbekistanin dhe Vietnamin.

Kundër rezolutës votuan Belgjika, Kosta Rika, Republika Çeke, Finlanda, Franca, Gjermania, Lituania, Luksemburgu, Mali i Zi, Rumania, Mbretëria e Bashkuar dhe SHBA-ja.

Türkiye nuk ka të drejtë vote, pasi ka statusin e vëzhguesit në Këshillin e OKB-së për të Drejtat e Njeriut.

Mbretëria e Bashkuar, SHBA-ja dhe disa vende anëtare të Bashkimit Evropian (BE) po ashtu kundërshtuan dënimin e djegies së Kuranit edhe dje gjatë një debati urgjent në Këshillin e OKB-së për të Drejtat e Njeriut mbi numrin në rritje të sulmeve kundër librit të shenjtë musliman.

- Advertisement -spot_img

Më tepër

Të fundit