“Dështimi për ta bërë këtë, do të ketë pasoja të rënda për marrëdhëniet tona”, tha shefi i politikës së jashtme të BE-së
Në vazhdën e tensioneve në veri të Kosovës, shefi i politikës së jashtme të BE-së, Josep Borrell, bëri thirrje për mbajtje të zgjedhjeve të reja lokale në veri me pjesëmarrjen e serbëve, transmeton Anadolu.
Deklaratat e Borrellit erdhën pas një takimi me presidenten e Kosovës Vjosa Osmani dhe presidentin serb Aleksandar Vuçiq, së bashku me presidentin francez Emmanuel Macron.
“Kemi tri kërkesa të qarta, zgjedhje të reja lokale tani, sigurimin e pjesëmarrjes së serbëve të Kosovës dhe fillimin e punës për themelimin e Asociacionit të Komunave me Shumicë Serbe me dialogun e ndërmjetësuar nga BE-ja”, tha Borrell.
“Dështimi për ta bërë këtë, do të ketë pasoja të rënda për marrëdhëniet tona”, tha ai.
