Bashkësia e Islame e Kosovës ka urdhëruar të gjithë imamët që hutben e tyre tua kushtojnë femrave të dhunuara gjatë luftës në Kosovë, si formë solidarizimi për të mbështetur këtë kategori.
Ndonëse vazhdimisht është punuar në rehabilitimin e kësaj kategorie, drejtësia akoma duket se nuk është arritur. Përkundrazi! Këto viktima vazhdojnë të stigmatizohen dhe t’u mohohen të drejtat e tyre familjare, pronësore, juridike etj.
Sipas fesë Islame viktimat e dhunës seksuale janë viktima: të pafajshme plotësisht. Popullata duhet t’u dalë në mbështetje të viktimave! Heshtja për drejtësi ndaj tyre është amnistim i kriminelëve në mënyrë direkte apo indirekte! Dhe kjo sipas fesë islame është mëkat i rëndë!/KohaIslame
