Pyetje: Shejkh i nderuar, Allahu të dhëntë sukses! A lejohet marrja e pagesës për hixhame dhe a është fitimi i haxhamit i ulët?
Përgjigje: Lejohet marrja e pagesës për hixhame sepse profeti bëri hixhame dhe i dha haxhamit shpërblimin e tij. Sa i përket fjalëve të profetit ﷺ:
”Fitimi i haxhamit është i ulët.”1
Do të thotë se është i ulët dhe jo i ndaluar, ashtu siç ka thënë për qepën se është një bimë e neveritshme, që do të thotë se ajo ka erë të keqe, e nuk është e ndaluar.
Ajeti:
”Mos dhuroni nga ato gjëra të pavlefshme të pasurisë suaj.” El-Bekare, 2:267
Këtu ”të pavlefshme” është për qëllim ushqimi i cili ka cilësi të ulët. Pra fitimi i haxhamit është i lejuar por është më mirë që të shmanget, po.
1Rafi’i -radijAllahu anhu- rrëfeu se profeti ﷺ ka thënë: “Fitimi i haxhamit është i ulët.” Transmeton Muslimi.
Ibn Abbasi -radijAllahu anhu- tha: “Profeti ﷺ bëri hixhame dhe i dha haxhamit shpërblimin e tij.”
Transmeton Bukhari (2278) dhe në Sahih Muslimi (1567).
2Ajeti i plotë është: “O besimtarë! Jepni pa u kursyer nga të mirat që keni fituar dhe nga ato që jua kemi nxjerrë Ne nga frytet e tokës. Mos dhuroni nga ato gjëra të pavlefshme të pasurisë suaj e të cilat ju nuk do t’i pranonit ndryshe veçse symbyllur. Ta dini se Allahu është i Vetëmjaftueshëm dhe i Denjë për çdo lëvdatë.” El-Bekare, 2:276
3Xhabiri -radijAllahu anhu- rrëfeu se profeti ﷺ ka thënë: “Ai që ha hudhër ose qepë, apo presh, të mos i afrohet xhamisë sonë, ngase melekët neveriten nga gjërat që neveritin njerëzit.” Umdetul Ahkam (122).
Xhabiri -radijAllahu anhu- rrëfeu se profeti ﷺ ka thënë: “Ai që ha hudhër ose qepë, të mos na afrohet, apo tha (dyshon transmetuesi): “të mos i afrohet xhamisë sonë-, por le të qëndrojë në shtëpinë e vet.”
I sollën një enë me bishtaja (të gatuara), i cili, me t’i nuhatur erën, pyeti se çfarë kishte në të. Kur i treguan se kishte bishtaja, tha: “Afrojuani atyre!” – disa shokëve të tij. Kur njëri prej tyre pa se profeti ﷺ e refuzoi, sahabiu hezitoi të hante. Profeti ﷺ i tha: “Ha, sepse unë flas me atë që ti nuk flet.” Umdetul Ahkam (121).
Imam Salih bin Feuzan El-Feuzan Burimi: https://www.alfawzan.af.org.sa Përktheu: Valdet Gashi www.perlatmuslimane.com
