32 foshnja janë në gjendje kritike për jetën, e që janë në mesin e 219 pacientëve që u lanë në spitalin më të madh të Gazës Al-Shifa, tha OKB-ja.
Aty ka edhe pacientë me trauma, me plagë të infektuara rëndë dhe të tjerë me lëndime të shtyllës kurrizore që nuk janë në gjendje të lëvizin.
Ekipi i OKB-së vizitoi spitalin për një orë pasi rreth 2 mijë e 500 njerëz të zhvendosur, pacientë të lëvizshëm dhe staf mjekësor u larguan nga kompleksi i përhapur të shtunën në mëngjes, tha Organizata Botërore e Shëndetësisë, e cila drejtoi misionin.
“Pacientët dhe personeli shëndetësor me të cilët ata folën ishin të tmerruar për sigurinë dhe shëndetin e tyre dhe u lutën për evakuim”, tha agjencia, duke e përshkruar spitalin si një zonë vdekjeje.
Ajo tha se më shumë ekipe do të përpiqen të arrijnë në Al-Shifa në ditët në vijim për të evakuuar pacientët në Gazën jugore, ku spitalet janë gjithashtu të mbingarkuara, raporton The Telegraph
