Versioni zyrtar amerikan i 11 Shtatorit: koka e sulmit, gjyqi në janar 2021

0
179

Gati dy dekada pas sulmeve të 11 shtatorit mbi kullat binjake në Nju Jork, autoritetet amerikane kanë vendosur që të japin verdiktin përfundimtar mbi njeriun që ata e konsiderojnë si trurin e asaj ngjarjeje me përmasa apokaliptike, e cila efektoi një konfigurim të ri të gjeopolitikës botërore me praninë amerikane në Lindjen e Mesme, por dhe dy luftra më pasoja të rënda siç ishin ajo në Afganistan dhe Irak, të dyja të pushtuara.

Fjala është për Khalid Sheikh Mohammed, i cili do të paraqitet në gjykatë në janar 2021 në Bazën Detare Amerikane në Gjirin e Guantanamos, njoftuan media amerikane.

Gjykatësi i ushtrisë, koloneli Shane Cohen caktoi këtë datë duke sinjalizuar fillimin e përzgjedhjes së një jurie ushtarake në ë bazë detare në Kubë, raporton The New York Times.

Mohammed dhe katër anëtarët e al-Kaidës, Walid bin Attash, Ramzi Bin al-Shibh, Ammar al-Baluchi dhe Mustafa Ahmed al-Hawsawi, mund të dënohen me vdekje.

Udhëheqësi i grupit, Mohammed pranoi në vitin 2007 se ai kishte ideuar e drejtuar sulmin.

“Unë kam qenë përgjegjës për operacionin e 11 shtatorit”, thuhet të ketë thënë Mohammed gjatë marrjes në pyetje.

Mohammed, i cili është pakistanez, dhe katër të tjerët, janë akuzuar për terrorizëm, rrëmbim të një aeroplani, vrasje kundër ligjeve të luftës, komplot dhe sulm ndaj civilëve.

Ai u arrestua në mars 2003 në një shtëpi në Rawalpindi, Pakistan, së bashku me al-Hawsawi dhe disa anëtarë të tjerë të al-Kaedës.

SHBA njoftoi në vitin 2006 se po e mbante Mohamedin në një burg të fshehtë të huaj.

Megjithatë, 11 Shtatori mbetet një ngjarje tejet e rrethuar me konspiracion. Gati tre vite pas sulmeve të pazakonta me avionë mbi dy kullat binjake, e më pas mbi Pentagon, gazetari francez Tierry Mesan do bënte një libër tronditës ku do nxirrte në pah sajesën e 11 Shtatorit.

Libri, “Mashtrim i frikshëm”, detajonte mënyrën e trukimit të sulmeve, duke përdorur si lëndë dhe njoftimet zyrtare legale nga ana e administratës amerikane.

Pos kësaj, edhe emri i kokës së sulmeve – Mohammed – përbën një koinçidencë plot pikëpyetje. /tesheshi.com/