Një shtetas nga Maqedonia ka provuar edhe një herë të fundit që të mund të hyjë në Zvicer. Pasi është debuar 4 herë nga ky vend dhë me masen e denimit për të mos u kthyer më në këtë shtet ai ka ndryshuar identitetin e tij në Maqedoni dhe ka provuasr serish.
Ai kishte marrë në Maqedoni dokumente me emër e mbiemër tjetër, shkruan tagblat.ch. Por 55 vjeçari ia ka parë sherrin kujtesës së pagabueshme të një polici në St. Gallen kështu që edhe përpjekja e pestë për të hyrë dhe punuar në Zvicër i kishte shkuar dëm.
Sipas njoftimit që ka bërë policia të shtunën, personi i përmendur kishte rënë në sy gjersa po punonte në një kantier ndërtimi, transmeton albinfo.ch. Ai i kishte treguar policisë një letërnjoftim të Maqedonisë dhe një tjetër të Bosnjës si dhe një patentë shoferi.
Por policit ndërkaq i kujtohet se ky ishte pikërisht njeriu të cilin më parë e kishte paditur për punë në të zezë. Në fund punëtori ka pranuar se ka bërë ndryshimin e emrit në vendin e tij të prejardhjes. Përmes këtij ndryshimi ai kishte marrë dokumente të reja identiteti dhe udhëtimi. Përmes emrit të tij të mëparshëm, të vërtetë, policia ka konstatuar se shtetasi i Maqedonisë ndodhej në regjistrin zviceran të kërkimit për arrestim të tij. Ndaj tij ishte vendosur që në vitin 2010 një ndalim i pakufizuar hyrjeje në Zvicër, përcjell albinfo.ch. Por që atëherë ai kishte hyrë katër herë dhe po kaq herë ishte dëbuar nga Zvicra./syri
