Ky është momenti, kur policia rrugore e Tiranës dhe njësitë Shqiponja arrestojnë Bukurosh Mujën, 35 vjeç nga Kukësi, i kërkuar për kultivim të bimëve narkotike.
Gjatë të premtes kishte thyer dy postblloqe të policisë rrugore në autostradë dhe në zonën e Bërrylit, kur ishte konstatuar nga shërbimet me shpejtësi tej normave të lejuara.
Pas një ndjekje që zgjati rreth një orë policia rrugore, ai u ndalua pranë kryqëzimit të farmacisë 10 në Rrugën “Bardhyl”.
Nga verifikimi, blutë zbuluan se me këtë makinë, Muja ishte në kërkim për kultivim të bimëve narkotike në Kukës. Po ashtu atij i ishte pezulluar leja e drejtimit dhe lëvizte pa patentë. Ndërkaq mjeti me të cilin ai lëvizte kishte 8 gjoba të komisioneve administrative të papaguara. Për këtë shkak makina u bllokua nga policia ndërsa Muja u arrestua me disa akuza.
