Aeroplanët luftarakë të gjeneratës së pestë të kompanisë amerikane Lockheed Martin, F35-A Lightning II, është vlerësuar si më i miri për Zvicrën që po i blenë aeroplanët e rinj për forcat e saj ajrore, pavarësisht se përfundimisht nuk është marrë vendimi, ka njoftuar stacioni zviceran SRF duke u thirrur në tri burime të paemëruara.
Siç raporton Reuters, qeveria zvicerane do të duhej këtë muaj të vendosë nëse do t’i blejë Eurofighterat e Airbus, ata të Francës, Rafal, të Boeing – F/A-18 Super Hornett dhe ata të Lockheed – F35-A, transmeton Telegrafi.
Shtetasit zviceranë në shtator të vitit të kaluar përmes referendumit kanë përkrahur planin e qeverisë për shpenzimin e 6 miliardë frangave zvicerane, që është rreth 6,53 miliardë dollarë – sa i përket blerësve të aeroplanëve të rinj luftarak.
Aeroplanët e rinj luftarak do ta zëvendësojnë flotën zvicerane prej 30 F/A-18 Hornett – me të cilët do të operojnë deri më 2030. Aeroplanët e rinj do të duhej të mbërrinin në destinacion deri në vitin 2025. /Telegrafi/
