Kryetari i Parlamentit të Republikës së Maqedonisë, Trajko Velanovski ka deklaruar se Parlamenti do të shpërndahet më 7 prill dhe se zgjedhjet do të mbahen më 5 qershor.
Në një intervistë për televizionin “Nova”, Velanovski tha se, “Më 7 prill do të shpërndahet Parlamenti, d.m.th më 6 prill deri në mbrëmje mund të punohet deri në mesnatë në pajtueshmëri me vendimin për ndryshimin e vendimit për shpërndarjen e Parlamentit. Edhe dy ditë janë intensive, pra edhe dy ditë mundet që Parlamenti të sjell ligje, duke përfshirë edhe zgjedhjen e ministrave dhe zv/ministrave”.
