Presidenti turk, kundër qasjes amerikane ndaj vendit të tij dhe Greqisë
Në një intervistë për rrjetin amerikan PBS, presidenti turk Erdogan reagoi ashpër nga një politike amerikane, e cila sipas tij po tregohet tejet e padrejtë në qasjen ndaj ngërçit me Greqinë.
Ai tha se ndërsa Turqisë i vendosen sanksione, Greqia mbështetet me avion dhe baza të reja amerikanë në tokën e saj.
Ai përsëriti se presidenti Biden i premtoi zgjidhje të çështjes me F-16, në mënyrë që Turqia t’i blejë ato, por në rast se “dera amerikane mbetet e mbyllur’, ai do t’i drejtohet zgjidhjeve të tjera.
“Midis dy vendeve mike, është shumë e gabuar qasja politike për të vendosur sanksione ndaj Turqisë për çështjen e F-16. Biden më premtoi zgjidhjen e çështjes”, tha ai, duke vijuar: “Çfarë do të bëjmë nëse nuk arrijmë të marrim rezultatin që duam nga Shtetet e Bashkuara në lidhje me F- 16? Ne do të kujdesemi për veten. Pra, ju do t’i jepni Greqisë të gjitha llojet e mbështetjes për F-16, do të ndërtoni baza atje, por nuk do t’ia jepni këtë mbështetje një vendi mik si Turqia në NATO dhe një vendi që jep të gjitha llojet e mbështetjes për NATO-n? Jemi në pesë vendet e para. Në këtë rast, detyra e Turqisë është të kujdeset për veten. Përndryshe, ne nuk kemi problem me Amerikën”, theksoi Erdogan.
Presidenti turk ndodhet në New York për një sesion të OKB, ku u bë lajm në mediat amerikane dhe botërore për shëtitjen e tij në Center Park, duke u takuar përzemërsisht me shumë njerëz e biseduar me ta. /tesheshi.com/
