Yjet e filmave të Hollivudit kanë shënuar një rekord duke mbledhur 60 milionë dollarë për ushtrinë izraelite, në organizimin Gala të javës së kaluar, takim vjetor i Forcave të Mbrojtjes të Izraelit (FIDF).
Këtë vit u mbajt në Bregun Perëndimor në Hotelin Bervely Hilton ku u mirëpriten mbi 1200 përkrahës të Izraelit, duke përfshirë aktor të njohur dhe këngëtar si Ashton Kutcher, Pharrell Williams, Gerard Butler dhe Katharine McPhee.
“Ne jemi të kënaqur që kaq shumë anëtarë të komuniteti, duke përfshirë figura të mëdha të Hollivudit, po mblidhen së bashku për të na ndihmuar të mbështesim burrat dhe gratë e guximshme të [ushtrisë izraelite] “, tha anëtarja e Bordit Kombëtar të FIDF dhe udhëheqësja e këtij organizimi Haim Saban. “Duke qëndruar së bashku me këta heronj është një nga nderimet më të mëdha në jetën time”.
Gjatë këtij organizimi u paraqit një program që tregonte historinë 70-vjeçare të Izraelit përmes tregimeve të ushtarëve dhe fushatave të ndryshme ushtarake kundër palestinezëve.
Gjithashtu u përfshinë edhe disa kontribute që janë dhënë nga ushtarët e tanishëm izraelitë.
Vitin e kaluar, FIDF mblodhi 53.8 milionë dollarë në të njëjtën organizim, ndërsa ndihmat janë rritur çdo vit e më shumë, gjatë këtyre tre viteve të fundit. Në vitin 2015 ky organizim mblodhi 31 milionë dollarë, gjysma e totalit të këtij viti, përjell KohaIslame.
Sipas një njoftimi për shtyp nga organizata, fondet e mbledhura do të përdoren për të “ofruar shërbime shumë të nevojshme dhe të merituara, si bursa akademike për të ndihmuar veteranët, ndihmë financiare për ushtarët në nevojë … ndihmë e rëndësishme për veteranët e plagosur dhe familjet e ushtarëve të rënë, javë pushimi dhe çlodhjeje për të gjitha njësitë e IDF-it, si dhe objektet arsimore, kulturore dhe rekreative”.
Muajin e kaluar, organizimi në Nju Jork e FIDF mblodhi 32 milionë dollarë për pjesëtarët e forcave okupuese të Izraelit, ku morën pjesë shumë nga njerëzit më të shquar të biznesit dhe filantropët e qytetit.
Ndër donatorët më të mëdhenj të galasë ishin Or Lachayal – një organizatë me mision për të “forcuar identitetin hebre të ushtrisë izraelite”, i cili premtoi 2,5 milionë dollarë dhe Nefesh B’Nefesh – i cili nxit emigracionin hebre në Izrael – i cili premtoi 1.3 milionë dollarë.
FIDF ka një histori të gjatë të mbledhjes së fondeve për forcat pushtuese të Izraelit; ajo operon me 20 zyra në të gjithë Shtetet e Bashkuara dhe Panama, sipas faqes së vet të internetit.
Mbështetja për ushtrinë nga organizatat amerikane dhe qeveria amerikane ka qenë një gur themeli i fuqishëm i shtetit të Izraelit për të vazhduar pushtimin e vazhdueshëm të Bregut Perëndimore dhe Rripit të Gazës. Në tetor, paketa më e madhe ndonjëherë e ndihmës ushtarake amerikane për Izraelin – me vlerë 38 miliardë dollarë gjatë një periudhe dhjetëvjeçare – hyri në fuqi./KohaIslame.com/
