ANKARA (AA) – Kryeministri i Turqisë Binali Yıldırım deklaroi se organizata terroriste FETO është një kërcënim terrorist global, sepse bëhet fjalë për një organizatë që operon në më shumë se 160 vende të botës, raporton Anadolu Agency (AA).
“Në shumë vende afrikane, një nga një po mbyllen shkollat dhe institucionet e lidhura me këtë organizatë mizore terroriste. Nuk është sekret që kjo organizatë sot bashkëpunon me organizatat ndërkombëtare imperialiste. Prandaj, në qoftë se vonoheni në zbatimin e masave të nevojshme në parandalimin e aktiviteteve të kësaj organizate në vendet tuaja, do të përballeni me të njëjtat kërcënime, si Turqia”, tha Yıldırım.
