Nga Scott W.Harold, The Hill
Më 1 korrik, përpara një tribune në Tiananmen, Xi Jinping përkujtoi 100 vjetorin e themelimit të Partisë Komuniste Kineze (CCP) duke treguar një vizion për të ardhmen e Kinës.
Xi lavdëroi arritjet e vendit të tij prej 1.4 miliardë banorësh dhe portretizoi 95 milion anëtarë të PKK si të vetmin entitet që mund të përfundojë detyrën e ëndrrës kineze, duke paralajmëruar se çdo forcë e huaj që përpiqet të “ngacmojë, shtypë ose nënshtrojë vendin. .. do të përplaset me një mur të madh prej çeliku. ”
Çfarë mund të na tregojë fjalimi i Xi dhe si i sheh udhëheqësi i lartë i Kinës marrëdhëniet e vendit të tij me botën?
Së pari, Xi përmendi në pjesën më të madhe të fjalimit së tij figurat politike gjatë dy shekujve të fundit, të cilët ishin në shërbim të partisë për të krijuar përshtypjen e një kombi kinez shumë më të unifikuar sesa ai që ka ekzistuar më përpara.
Në fjalimin e tij Xi i cilësoi lëvizjet fetare mesianike si Rebelimi Taiping dhe Boxer si një përpjekje patriotike nga shoqëria kineze për t’i rezistuar shkeljeve të huaja. Çështjet e shtypjes qeveritare, mundësive dhe lirisë fetare që motivuan këta persona janë injoruar në versionin historik të Xi, dhe figura të tilla janë cilësuar si heroikë, raporton abcnews.al
Po të ishin gjallë sot, pasuesit e lëvizjeve të tilla do të konsideroheshin anëtarë të xiejiao, ose “kulteve të këqija”, dhe mund të arrestoheshin dhe torturoheshin individualisht, siç kanë qenë anëtarët e Falun Gong , ose në masë, si në Xinjiang, ku Kina ka burgosur më shumë se një milion ujgurë në kampe përqendrimi.
Xi gjithashtu pohoi se Partia Komuniste Kineze “nuk ka interesa të veçanta dhe kurrë nuk ka përfaqësuar ndonjë grup individual interesi, grup ose shtresë të privilegjuar”. Në dekadën e parë, partia në të cilën shërbeu kryesisht si një mjet i ndikimit Sovjetik dhe politikës së jashtme, nuk u bë kurrë e njohur.
Në fjalimin e tij mungonte realiteti i dy dekadave të para të Republikës Popullore të Kinës, kur fshatarët u inkurajuan të përdorin dhunë kundër pronarëve të tokave rurale në zbatim të “reformës së tokës”, dhe kur Mao nxiti popullatën të ngrihen kundër “kapitalistëve” dhe të shkatërrojnë kulturën tradicionale të Kinës gjatë “Revolucionit të Madh Kulturor Proletar”.
Në vend të kësaj Xi përqafoi një imazh të partisë si përfaqësuesi neutral i interesit kombëtar, një karakteristikë që do t’i sillte atij konflikte politike gjatë viteve të Mao, raporton abcnews.al
Që kur erdhi në pushtet në 2012, megjithatë, Xi ka kërkuar të mbrojë partinë në pushtet duke e portretizuar atë si “roje” të një Kine të kërcënuar nga armiqtë dhe në prag të realizimit të një ëndrre të madhështisë kombëtare, duke thënë se “ne duhet të mbështesim udhëheqjen e Partisë pasi Suksesi i Kinës varet nga Partia. ”
Xi më pas u zotua të përshpejtojë modernizimin e Ushtrisë Çlirimtare të Popullit. Ai gjithashtu u zotua të avanconte ndikimin e Kinës globalisht duke ndërtuar një “komunitet të përbashkët për të gjithë njerëzimin” përmes “Nismës një Rripë një Rrugë” dhe përpjekjeve të tjera ndërkombëtare, ndërsa gjithashtu u zotua të “bashkojë të gjithë bijtë dhe bijat e kombit kinez, brenda dhe jashtë vendit, për të pambushur qëllimin e rinovimit kombëtar.
“Të dy premtimet sinjalizojnë një ambicie për të përmirësuar normat globale, institucionet, kufijtë territorialë dhe ekuilibrat e pushtetit për t’iu përshtatur preferencave të partisë dhe për të përdorur – dhe nëse është e nevojshme të detyrojnë – diasporën kineze për t’i shërbyer qëllimeve të Partisë Komuniste, raporton abcnews.al
Shkurtimisht, fjalimi i Xi kishte për qëllim krijimin e unitetit brenda vendit, sigurimin e statusit qeverisës të ” një partie përgjithmonë ” dhe avancimin e fuqisë së Kinës jashtë vendit. Fjalimi i Xi mbi nacionalizmin, rikuperimin e territoreve të “humbura” dhe rindërtimin e rendit ndërkombëtar sugjerojnë që tensionet me Shtetet e Bashkuara do të vazhdojnë, ashtu si kërcënimet ndaj Tajvanit, Japonisë, Indisë dhe vendeve të tjera territoret e të cilave Kina synon.
Ai gjithashtu sugjeron që politikëbërësit amerikanë duhet të gjejnë mënyrën se si të ndikojnë në konkurrencën mes dy vendeve- me një Kinë gjithnjë e më të sigurt.
Përktheu Sonila Backa-abcnews.al
