Konfirmimi me 27 miliard euro i aleancës historike Francë-Serbi
Presidenti serb Aleksandar Vuçiç tha në një konferencë për media me presidentin francez Emmanuel Macron se kanë diskutuar për çështje strategjike, bashkëpunimin bilateral, rrugën e Serbisë drejt Bashkimit Evropian dhe marrëdhëniet strategjike në botë dhe Evropë, transmeton FoNet.
Siç tha ai, marrëveshja tregon bashkëpunimin ndërmjet Serbisë dhe Francës përmes industrisë, bashkëpunimit ushtarak-teknik, inteligjencës artificiale, sektorit të IT, inovacioneve, energjisë bërthamore, lëndëve të para kritike, makinave fluturuese, bujqësisë, pastruesve të ujërave të zeza, bashkëpunimit universitar dhe kujdesit shëndetësor.
Vuçiç tha se është nënshkruar kontrata për avionët luftarakë Rafale në vlerë prej 2.7 miliardë euro dhe se 12 avionë krejt të rinj do të jenë në pronësi të Serbisë.
Vuçiç e priti me nderimet më të larta shtetërore homologun Macron para Pallatit “Serbia”, transmeton Tanjug.
Presidentit francez iu bë një pritje ceremoniale me një makinë nderi të gardës dhe me këndimin e himneve kombëtare të Francës dhe Serbisë.
Macron vjen në Serbi në një kohë sfidash të mëdha me të cilat po përballet Vuçiç, kryesisht në një kohë të protestave gjithnjë e më masive dhe të ashpra kundër minierave të litiumit, të cilat udhëheqja shtetërore serbe e sheh si një mundësi të madhe ekonomike dhe pozicionim ekonomik në rajon dhe Evropë, aktivistët mjedisorë, shoqëria civile dhe opozita, i shohin si biznes korruptiv dhe rrezikim afatgjatë i mjedisit me pasoja të paparashikueshme.
Macron dhe Vuçiç janë takuar disa herë gjatë muajve të fundit në forume të ndryshme evropiane dhe botërore, herën e fundit gjatë ceremonisë së hapjes së Lojërave Olimpike në Paris, kur Vuçiç paralajmëroi vizitën e Macron në Serbi. /tesheshi.com/
