Një 15 vjeçare, Q.Z. nga fshati Tërpezë e Komunës së Vitisë është vrarë nga vëllai i saj me pushkë gjuetie, i cili tashmë është arrestuar.
Policia e Kosovës thotë se rasti është raportuat ‘vetëvrasje’, por pas obduksionit të trupit të pajetë të viktimës janë konfirmuar dyshimet se vdekja nuk ishte vetëvrasje aksidentale siç ishte raportuar, por e shkaktuar nga një person tjetër, raporton lajmi.net.
Mësohet se arma ishte e gjatë, gjë që dëshmon se një e mitur do ta kishte të vështirë ta bënte vet këtë akt.
Policia ka gjetur dëshmi edhe më të qëndrueshme se i dyshuari L. Z. e ka shkrepur armën, që besohet se e ka bërë aksidentalisht.
“Të dyshuarit në fjalë i është afruar ndihma mjekësore tek psikiatri dhe më pas është njoftuar Prokurori i Shtetit, nga i cili është lëshuar vendimin mbi ndalimin për 48 orë nën dyshimin se ka kryer veprën penale “Vrasje nga Pakujdesia”, vepër penale e cila është e sanksionuar me ligj sipas Nenit 181 të KPRK-ës”, bën të ditur Policia.
Rasti i është dërguar për në Prokurorinë Themelore në Gjilan – Departamenti i Krimeve të Përgjithshme.
Mësohet se varrimi i viktimës është bërë dje në fshatin Tërpezë të komunës së Vitisë.
