- Festim me imitim diçka që nuk ka qenë e njohur te ne para viteve të 50-ta, por për shkak të bashkëjetesës me komunitetet tjera jemi ndikuar prej tyre.
- Shpenzimi i pasurisë në haram, për të cilën do të pyetemi nga ana e Allahut në ditën e gjykimit, jo vetëm si e kemi fituar, por edhe si dhe ku e kemi harxhuar. Dije se shkapërderdhja e pasurisë është cilësi e shejtanit dhe jo e myslimanit.
- Fetarisht jemi të thirrur të sillemi mirë me fqinjët tanë dhe jo t’i pengojmë ata, ndërsa me gjuajtjen e armëve ne i rrezikojmë ata, ndërsa me zhurmën e mjeteve piroteknike i pengojmë nga gjumi i qetë dhe ndoshta traumatizojmë fëmijët e tyre, myslimani duhet të jetë i sigurt nga dora e vëllaut të tij mysliman.
- Me ndërrimin e motmoteve nuk ndryshon asgjë përveç numrave kalendarik, numrave të borxheve tua dhe numrave të mëkateve.
-Rrinë zgjuar në natën e Vitit të Ri dhe flenë në natën e Kadrit.
- Në fund, nuk na mbetet tjetër vetëm se të pendohemi dhe të kërkojmë falje tek Allahu për mëkatet tona të kaluara dhe të fillojmë një faqe të re duke u kthyer në rrugën e Tij.
O Allah, na fal dhe na përmirëso gjendjen tonë.
Hoxhë Valdet Kamberi
