Ekipet e shpëtimit nxorrën një burrë që notonte në një frigorifer 50 kilometra larg bregut
Florida u përball me pasojat e uraganit Milton, i cili solli rrëzimin e pemëve, dëmtimin e linjave të energjisë elektrike dhe përmbytjen e lagjeve, duke lënë të paktën 16 të vdekur.
Edhe pse ekzistonte frikë nga dallgët katastrofike në det, të cilat mund të përkeqësonin më tej situatën, Milton kaloi pa efekte të tilla.
Megjithatë, operacioni i pastrimit mund të zgjasë javë apo edhe muaj, veçanërisht për ata që tashmë kanë pësuar dëme nga Uragani Helena, i cili goditi rajonin dy javë më parë.
Banorët e Floridës po përshkruajnë një fatkeqësi të dyfishtë pasi Milton goditi Bregun Perëndimor të mërkurën mbrëma, ndërsa fatkeqësi të tjera të mëdha po ndodhnin përgjatë Bregut Lindor. Autoritetet në Florida kanë raportuar të paktën 16 vdekje të lidhura me uraganin, sipas CBS News.
Ndërkohë, një ekuipazh ajror i Rojës Bregdetare të Shteteve të Bashkuara shpëtoi me sukses një burrë që po lundronte në një frigorifer në Gjirin e Meksikës, afërsisht 50 kilometra larg brigjeve të Floridës. Një zhytës u ul tek burri, i cili më pas u dërgua në Spitalin e Përgjithshëm Tampa për trajtim mjekësor.
Do të duhet kohë që Florida të shërohet nga kjo fatkeqësi natyrore dhe shumë prej tyre shpresojnë për një kthim më të shpejtë në jetën normale. /tesheshi.com/
