Atdheu i markave prestigjoze, kundër një projekti europian.
Qeveria gjermane nuk do të pajtohet me një plan të Bashkimit Evropian që do të ndalonte de fakto shitjen e makinave të reja me motorë me djegie të brendshme nga viti 2035, tha ministri gjerman i Financave, Christian Lindner.
Ky vendim do të reduktonte emetimet e gazeve serrë me 55 për qind deri në vitin 2030 krahasuar me nivelet e vitit 1990.
Eurodeputetët mbështetën propozimin e Brukselit në fillim të këtij muaji dhe tani po fillojnë negociatat me vendet e BE-së për një projekt-ligj përfundimtar.
Por ministri gjerman i Financave vuri në dukje një pengesë për këtë plan.
Do të ketë ende kërkesë për motorët me djegie të brendshme, kështu që ndalimi është i gabuar, tha Lindner në një tubim të organizuar nga Shoqata Gjermane e Industrisë.
Qeveria nuk do të pajtohet me një ligj të tillë europian, tha ministri i Financave, duke theksuar se njëherësh Gjermania do të vazhdojë të jetë tregu lider për automjetet elektrike./tesheshi/
