Punimet në xhaminë e re në lagjen e epërme të qytetit të Rahovecit, janë duke vazhduar. Siç duket punimet janë në fazën përfundimtare dhe po shkojnë për së mbari.
Lagjia e epërme e Rahovecit prej kohësh kishte nevojë për një xhami, në të cilën besimtarët muslimanë do të mund të kryenin ritet e tyre fetare në këtë objekt, e siç duket tanimë do e kenë më afër xhaminë të cilën prej kohësh e kanë dashur.
Xhamia e re në Rahovec është njëra nga gjashtë xhamitë brenda qytetit, e ky qytet njihet prej kohësh që ka xhamitë shumë të vjetra dhe një numër të madh të xhamive brenda qytetit. Përveç kësaj, Rahoveci njihet ndër vendet që feja islame praktikohet në masë të madhe nga qytetarët e këtij vendi.
