Pas reagimit të Ministrisë së arsimit, Hilali dhe Hazali sot u kthyen në bankat e shkollës “Vllazërim Bashkimi” të Ohrit.
Para disa ditëve atyre iu ndalua të ndjekin mësimin për shkak shamisë.
Nëna e tyre Nevrez Latifi thotë që vajzat e saja nuk do ta heqin mbulesën, pasi që ligji e lejon këtë. Vajzat ishin përshëndetur me shoqet duke menduar se nuk mund t’i kthehen mësimit
“Nga Inspektorati i arsimit në Ohër më saktësisht Bllagoja Stenkovski më tha që ka një pikë në ligj që nuk lejon mbajtjen e shamisë.
Unë dje i solla vajzat në shkollë por rojtarët nuk lejuan vajzat të hynë”, tha Nevrez Latifi, nënë, njofton TV21.
Megjithatë drejtori i kësaj shkolle Muamer Doko këmbngulë se kodeksi i shkollës nuk lejon që nxënësit të vijnë me shami, por sipas tij duhet të vishen sipas uniformës që ka përcaktuar shkolla.
Edhe këshilli i arsimtarëve në këtë shkollë është mledhur për diskutuar për gjendjen e vajzës, por ata thonë se fjalën e fundit do ta ketë drejtori i shkollës. Në reagimin e ministrisë së është thënë se të dy vajzat duhet të vazhdojnë mënjëherë shkollimin, por inspektorati i arsimit në Ohër kundërshton duke thënë se kjo është kundër ligjit.
Sipas kësaj nuk dihet nëse në ditët në vazhdim vajzat do të mund të ndjekin mësimin.
