Sipas rrëfimeve të dëshmitarëve okularë dhe pamjeve në mediat sociale, ushtria izraelite synoi një shkollë të OKB-së ku ndodheshin qindra njerëz të zhvendosur
Ushtria izraelite bombardoi një shkollë të Kombeve të Bashkuara (OKB) në kampin e refugjatëve Jibaliya në veri të Rripit të Gazës, transmeton Anadolu.
Sipas rrëfimeve të dëshmitarëve okularë dhe pamjeve në mediat sociale, ushtria izraelite synoi një shkollë të OKB-së ku ndodheshin qindra njerëz të zhvendosur.
Në pamjet në rrjetet sociale, shihej se kishte gjurmë gjaku në kopshtin e shkollës dhe pas sulmit shpërtheu një zjarr në objektin e bombarduar.
Në një video tjetër, një palestinez tha se shumë njerëz u vranë dhe u plagosën në sulm.
Ndërsa ushtria izraelite ka intensifikuar sulmet tokësore dhe ajrore në kampin e refugjatëve Jibaliya prej ditësh, ajo vazhdon të përplaset me forcat e rezistencës palestineze në terren.
Në deklaratën e bërë dje nga krahu i armatosur i Hamasit, Brigada Izzeddin al-Kassam, u njoftua se 13 ushtarë izraelitë u vranë në Jibaliya.
