Forcat izraelite që kanë bllokuar spitalin, kanë vendosur snajperë nëpër çatitë e ndërtesave të larta në zonën përreth të cilët i përgjigjen me plumba çdo lëvizjeje para derës së spitalit
Të paktën 12 palestinezë janë vrarë dhe dhjetëra të tjerë janë plagosur si pasojë e sulmit të ushtrisë izraelite ndaj spitalit Indonezian në Gaza, transmeton Anadolu.
Në një deklaratë me shkrim nga Ministria e Shëndetësisë në Gaza, të paktën 12 palestinezë u vranë dhe dhjetëra të tjerë u plagosën në spitalin Indonezian i cili u godit me raketa nga ushtria izraelite.
Kati i dytë i spitalit ka pësuar dëme të mëdha si pasojë e bombardimit. Në sulm u plagosën edhe 2 mjekë.
Sipas agjencisë zyrtare palestineze të lajmeve WAFA, sulmi ka shkaktuar ndërprerjen e energjisë elektrike në spitalin me kapacitet 140 shtretër ku trajtohen 650 pacientë dhe në të cilin ndodhen edhe rreth 150 të plagosur.
Theksohet se forcat izraelite që kanë bllokuar spitalin, kanë vendosur snajperë nëpër çatitë e ndërtesave të larta në zonën përreth të cilët i përgjigjen me plumba çdo lëvizjeje para derës së spitalit.
