Khalida Jarrar, anëtare e Frontit Kombëtar për Çlirimin e Palestinës (PFLP), është arrestuar në shtëpinë e saj në Ramallah, ka thënë vajza e saj
RAMALLAH (AA) – Forcat izraelite kanë arrestuar deputeten palestineze të parlamentit, në Bregun e pushtuar Perëndimor, raporton Anadolu Agency (AA).
Khalida Jarrar, anëtare e Frontit Kombëtar për Çlirimin e Palestinës (PFLP), është arrestuar në shtëpinë e saj në Ramallah, ka thënë vajza e saj.
“Të paktën dhjetë ushtarë izraelitë hynë në shtëpinë tonë në agim. Ata arrestuan nënën time dhe e dërguan në një vend të panjohur”, tha vajza e deputetes, Yafa.
Ushtria izraelite thotë se Jarrar është arrestuar me dyshimet për përfshirje në aktivitete terroriste dhe trazira të dhunshme publike.
“Arrestimi i saj nuk ka të bëjë me anëtarësimin në Këshillin Legjislativ palestinez”, thuhe në deklaratën e ushtrisë izraelite.
Nga ana tjetër, PFLP ka thënë se arrestimi i Jarrar tregon për “kaosin e pushtimit izraelit”.
“Ky arrestim është pjesë e fushatës për të inkurajuar qeverinë izraelite kundër PFLP-së dhe lëvizjes së rezistencës”, thuhet nga PFLP.
Jarrar në mes të vitit 2016 u lirua nga burgu izraelit, pasi kishte kaluar atje 15 muaj nën akuzat se ka kryer krime “kundër sigurisë”, e cila përfshin anëtarësim në PFLP-në e jashtëligjshme të cilën Izraeli e konsideron si organizatë “terroriste”.
Sipas shoqatave palestineze, Izraeli aktualisht mbanë mbi 6500 palestinezë, përfshirë gra dhe fëmijë në 24 qendra paraburgimi në mbarë vendin.
