Rihapja e një çështjeje me ngërç çerekshekullor
Turqia ka qenë një kandidat zyrtar për t’u anëtarësuar në BE për 24 vjet, por bisedimet e pranimit kanë ngecur që nga viti 2016 për shkak të shqetësimeve të bllokut mbi shkeljet e të drejtave të njeriut dhe respektimin e shtetit të së drejtës.
Ministrat e Jashtëm të Bashkimit Evropian ranë dakord të enjten që blloku duhet të riangazhohet me Turqinë, por vendosën disa kushte dhe nuk mbështetën thirrjet e Ankarasë për të ringjallur ofertën e saj të ngecur për anëtarësim.
Turqia ka qenë një kandidate zyrtare për t’u anëtarësuar në BE për 24 vjet, por bisedimet e pranimit kanë ngecur që nga viti 2016 për shkak të shqetësimeve të bllokut mbi pretendimet e shkeljes së të drejtave të njeriut dhe respektimitë të shtetit të së drejtës, një formë parazitare e rë gjykuarit në Bruksel kur është fjala për “lojëra fjalësh” pas së cilave fshihen të tjera arsye.
Më 10 korrik, presidenti turk Rexhep Tajip Erdogan, në një lëvizje të papritur, bëri thirrje për rihapjen e bisedimeve të pranimit të Ankarasë, duke e lidhur idenë me miratimin e Turqisë për ofertën e Suedisë për t’u bashkuar me aleancën ushtarake të NATO-s.
“Ne folëm se si të riangazhohemi me Turqinë,” tha shefi i politikës së jashtme të BE-së Josep Borrell në një konferencë shtypi pas një takimi të ministrave të jashtëm të bllokut në Bruksel.
“Ne jemi të bindur se ekziston një interes reciprok për zhvillimin e marrëdhënieve më të forta midis Turqisë dhe Bashkimit Evropian”, shtoi ai.
Por ai vuri në dukje se BE dëshiron që Turqia të tregojë përparim, veçanërisht në lidhje me Qipron, një anëtare e BE-së, pjesa veriore e së cilës u pushtua nga Turqia në 1974 dhe ka qenë nën okupim që atëherë.
“Zgjidhja e çështjes së Qipros në përputhje me rezolutat përkatëse të Kombeve të Bashkuara do të jetë kyçe në këtë ri-angazhim me Turqinë,” tha Borrell.
“Gjithashtu, do të jetë thelbësore të ruhen liritë dhe vlerat bazë të përcaktuara nga Konventa Evropiane për të Drejtat e Njeriut, pjesë e së cilës është edhe Ankaraja”, theksoi ai. /tesheshi.com/
