Ish-pengu befason me të thënat e saj
Adina Moshe, një ish-peng e mbajtur nga fraksionet e rezistencës palestineze në Gaza, tha se Shërbimi i Sigurisë së Brendshme të Izraelit (Shin Bet) i kërkoi asaj të vizatonte një hartë të tuneleve në Gaza, “sepse ata nuk dinë asgjë për to”, tha ajo për mediat izraelite.
Moshe, e cilia u lirua në një marrëveshje të mëparshme të shkëmbimit të të burgosurve, i tha një hetuesi të Shin Bet që e vizitoi pas lirimit të saj se tunelet në Rripin e Gazës “janë një labirint i madh nëntokë që përshkon të gjithë Rripin dhe presioni ushtarak nuk do të ndihmonte në kthimin e të burgosurve”.
Ajo tha se kryeministri izraelit Benjamin Netanyahu gënjen dhe se ai dhe ushtria nuk dinë asgjë për tunelet e Hamasit në Rripin e Gazës.
Gjatë një fjalimi në një demonstratë të thirrur për t’i dhënë fund konfliktit dhe për të arritur një marrëveshje për shkëmbimin e të burgosurve me Gazën, Moshe tha se asaj iu kërkua nga një hetues i Shin Bet të shpjegonte se si dukeshin tunelet e Hamasit, strukturën dhe vendndodhjen e tyre, gjë që i zbuloi asaj se inteligjenca izraelite nuk di asgjë për tunelet.
“Nuk është një tunel, por një rrjet tunelesh të pafund”, tha ajo.
Gazeta amerikane The New York Times tha në një raport javën e kaluar se tunelet në Gaza përfaqësojnë një makth të nëndheshëm për ushtrinë izraelite dhe janë vendimtare për aftësinë e Hamasit për të mbijetuar.
Sipas gazetës, zyrtarët e inteligjencës izraelite vlerësojnë se ka rreth 100 milje tunele nën Khan Yunis, qyteti i dytë më i madh në Gazën jugore. /tesheshi.com/
