Moti i tërbuar: më shumë se 10 persona rezultojnë të zhdukur në tre vende
Një stuhi e fortë goditi Greqinë, Turqinë dhe Bullgarinë dhe shkaktoi përmbytje që vranë të paktën pesë persona, duke përfshirë dy turistë të cilët u përfshinë nga shirat e rrëmbyeshëm në një kamping në veriperëndim të Turqisë, raporton AP.
Ministri i Brendshëm turk, Ali Yerlikaya tha se katër persona të tjerë janë zhdukur pas përmbytjeve të mëdha në një kamp në provincën Kirklareli, pranë kufirit me Bullgarinë. Ai tha se rreth 12 turistë ishin në kamp kur ndodhi përmbytja.
Ekipet e kërkimit kanë gjetur dy trupa, ka shkruar ai në rrjetin social X dhe se kërkimet për pjesën tjetër të të zhdukurve vazhdojnë.
Pamjet televizive treguan se shpëtuesit transportonin një vajzë dhe një të rritur në siguri nga uji që arrinte deri në bel në disa pjesë. Një rrugë kryesore gjithashtu u dëmtua dhe u mbyll për shkak të shiut, njoftoi televizioni Haber Turk.
Në Greqi, policia ka ndaluar qarkullimin në qytetin qendror të Volosit, zonën e afërt malore të Pelionit dhe ishullin Skiathos për shkak të reshjeve rekord që kanë vrarë të paktën një person me dhe përmbytjet kanë përfshirë rrugët duke marrë me vete automjetet.
