Media e njohur botërore Independet ka publikuar një artikull duke theksuar se Islami është feja e paqes. Vitet e fundit me tendencë është disinformuar opinioni publik për shkak të ngjarjeve të ndryshme që kanë ndodhur në botë. Independet thekson se: Të ashtuquajturat grupe xhihadiste, të cilat përbëhen nga muslimanët ekstremistë të çdo fraksioni e konsiderojnë veten si avokatë të Islamit të Vërtetë. Këta terroristë pohojnë se sulmet në vende të ndryshme të botës janë mbështetur dhe justifikuar nga Kur’ani. Ndërkohë, shumica e muslimanëve dënojnë ato mizori.Për ata që janë jashtë debatit, kjo mund të duket si një situatë konfuze.
Cila anë flet të vërtetën? A është Islami një fe e rrezikshme?Këtu janë arsyet pse Kur’ani nuk i mbështet veprimet e grupeve terroriste si në arsyet e luftës dhe në atë që është e përshtatshme të bëhet kur ka justifikim mbrojtës për luftën.Për të qenë i sinqertë, Zoti jep leje të kushtëzuar për muslimanët që të luftojnë; megjithatë ka udhëzime strikte për këtë që xhihadistët nuk i përmbahen.Këtu janë disa nga termat dhe kushtet:
së pari, muslimanët nuk mund të iniciojnë një luftë paraprakisht. Ata lejohen të veprojnë vetëm në mbrojtje. Muslimanët kanë leje nga Zoti që të luftojnë vetëm kur ata dëbohen nga shtëpitë ose tokat e tyre. Lufta mund të bëhet nëse ekziston një situatë ku njerëzit e pambrojtur janë nën sulm dhe kërkojnë ndihmë nga aleatët e tyre muslimanë. Arsyeja e fundit për një luftë të drejtë është kur lufta shpërthen midis dy grupeve të besimtarëve dhe një parti nuk ka ndërmend ta ndalojë atë pavarësisht nga një armëpushim i propozuar.Edhe për betejat dhe luftimet, Kur’ani ka vendosur kufizime dhe korniza. Nëse armiku propozon paqe, muslimanët duhet ta ndalojnë menjëherë luftën.
Së dyti, muslimanëve nuk u lejohet të kalojnë drejtësinë hyjnore: “luftoni për çështjen eZotit , ata që ju luftojnë, por mos shkelni, sepse Zoti nuk i do shkelësit”. Ideja e luftës së pakufizuar dhe apokaliptike të propozuar nga Isis është tërësisht jo-islam.
Së treti, muslimanët duhet t’i trajtojnë me nder të burgosurit e luftës, jo me kokë, siç shihet kohët e fundit në videot propaganduese të përgjakura të përhapura nga shteti islamik. Të burgosurit duhet të lirohen pas luftës, qoftë në këmbim të robërve muslimanë ose vetëm si një favor. Gjithashtu myslimanët nuk kanë leje për të mbajtur të burgosurit e luftës, t’i skllavërojnë ose t’i përdorin ato si ushtarë të ardhshëm.
Së fundi, pasuesit e Islamit nuk lejohen të detyrojnë besimet e tyre fetare mbi armiqtë e tyre.Sipas Kuranit, xhihadistët zhdukin një nga urdhërimet më të rëndësishme në lidhje me marrëdhëniet me kombet e tjera. Kur’ani tregon se muslimanët nuk duhet të kërkojnë armiqësi ndaj atyre që nuk kanë kërkuar ndonjë luftë kundër tyre. Ajeti përmend se muslimanët duhet të vendosin marrëdhënie të ndërsjella me ata që nuk kanë dëbuar e as nuk kanë ndihmuar në dëbimin e muslimanëve nga tokat e tyre. Kështu bëhet e qartë se Kur’ani nuk i ka penguar muslimanët të jenë të mirë dhe të drejtë ndaj mendimtarëve të lirë.Leja për të luftuar në Kur’an kryesisht ka qëllim mbrojtës dhe reaktiv. Një ndjekës i vërtetë i Kur’anit nuk lejohet të fillojë një luftë dhe madje edhe kur një luftë e drejtë shpërthen muslimanët, nuk u lejohet të vrasin njerëz të pafajshëm. Ky është Islami që ndjek shumë Muslimanë; në thelb është një udhëzues për të jetuar në mënyrë paqësore së bashku me njerëzit e të gjitha feve dhe kombësive të tjera.
