Audioja e padëgjuar më parë tregon se si autoritetet italiane u thonë migrantëve të fundosur që ‘të telefononin Maltën’ – edhe pse vetëm disa kilometra më larg është një anije italiane detare.
Varka e peshkimit mbante mbi 260 vetë, duke përfshirë 60 fëmijë, kur ajo u përmbyt.
Telefonatat e tmerrshme të cilat zbulojnë se si Rojet bregdetare italiane lanë qindra refugjatë të mbytën në Detin Mesdhe në vitin 2013, janë marrë nga një gazetë italiane.
Ndërkohë që varka e peshkimit filloi të merrte ujë, ajo ishte rreth 61 milje larg nga ishulli italian Lampedusa dhe brenda ujrave territoriale të Maltës, e cila ishte 118 milje larg.
Gjatë thirrjes së fatkeqësisë, e nxjerrë nga revista italiane L’Espresso, një burrë që identifikon veten si një mjek sirian i quajtur Mohamed Jammo mund të dëgjohet duke kërkuar ndihmë pasi u thotë autoriteteve që anija po fut ujë dhe po fundoset.
“Ju lutemi, nxitoni,” përsërit zoti Jammo. “Anija po shkon poshtë”.
Kur ai më vonë ritelefonon Rojet Bregdetare për të pyetur nëse a kishin dërguar ndonjë, një operator i thotë z. Jammo të thërrasë Maltën.
“Sepse ti je pranë Maltës”, shpjegon ai. “Thirrni direkt Maltën shpejt, ata janë më afërt, OK?”
Z. Jammo më pas telefonon Rojën Bregdetare Italiane përsëri për t’u treguar atyre se ai e kishte telefonuar Maltën dhe i ishte thënë që varka ishte më afër Lampadusës sesa Maltës.
“Ne po vdesim, ju lutem”, shtoi ai.
Por operatori përsëriti udhëzimin, duke i thënë: “Duhet të telefononi Maltën, zotëri.”
Gjatë kësaj kohe, bordi i patrullës së Marinës Italiane Libra ishte në pritje të urdhrave vetëm 10 deri 19 kilometra larg.
Në një telefonatë drejtuar në dhomën e operacioneve të Forcave të Armatosura të Maltës, një operator i rojes bregdetare italiane shprehu shqetësimin e tij se nëse anija patrulluese do të zbarkonte, do t’i transferonin refugjatët në bregun më të afërt, i cili do të ishte Lampedusa.
“Unë mendoj se nuk është mënyra më e mirë për të vepruar,” shpjegon ai, duke vazhduar se do të thoshte humbja e një “pasurie në vënd” për të parë “objektivat” e tjera, sigurisht referuar anijes së refugjatëve.
Autoritetet malteze i thanë qartë rojes bregdetare italiane se anija e tyre e marinës ishte më e afërt me refugjatët.
Pesë orë pas thirrjes fillestare të Z. Jammo në Rojën Bregdetare Italiane, anija e peshkimit u përmbys, duke dërguar në Detin Mesdhe mbi 260 vetë, duke përfshirë 60 fëmijë.
Ende nuk është bërë një hetim zyrtar për fundosjen e 11 tetorit, ku thuhet se të paktën 34 refugjatë u konfirmuan të vdekur.
Rreth 147 të mbijetuar u morën në Maltë dhe 56 të tjerë u dërguan në Itali.
Disa nga refugjatët sirianë raportuan se anija ishte shkarkuar nga militantët libian gjatë një mosmarrëveshjeje të bandës së trafikimit.
Pas tragjedisë, kryeministri maltez Joseph Muscarat u ankua për mungesën e veprimeve nga vendet e tjera evropiane.
“Nëse vazhdojmë kështu, ne do ndërtojmë një varrezë brenda Detit Mesdhe”, paralajmëroi ai./The Independent/KohaIslame.com/
