Lista e vendeve me eksportet më të mëdha të fruta-perimeve në shtetin e lig
Ministria izraelite e Bujqësisë ka publikuar një listë të vendeve që kanë vazhduar të eksportojnë perime dhe fruta në Izrael që nga fillimi i agresionit kundër Gazës.
Sipas raportit të sipërpërmendur të Ministrisë izraelite për periudhën nga 8 tetori 2023 deri më 11 shkurt 2024, kompanitë nga Turqia dhe Jordania janë eksportuesit më të mëdhenj të këtyre produkteve në Izrael.
Portali Arabicpost zbuloi përmes kërkimeve se kompani të shumta jordaneze e kanë fshehur Izraelin në listën e subjekteve që importojnë nga Mbretëria.
Lista përfshin 24 vende, kompanitë e të cilave kanë furnizuar Izraelin me perime dhe fruta që nga fillimi i luftës në Gaza. Këto kompani thuhet se kanë kontribuuar në zgjidhjen e krizës së sigurisë ushqimore bujqësore në Izrael, pasi sektori bujqësor u dëmtua në vendbanimet përgjatë Rripit të Gazës që u evakuuan pas aksionit të Hamasit.
Sipas raportit, kompanitë nga Turqia dhe Jordania eksportuan dy herë më shumë perime dhe fruta në Izrael sesa kompanitë nga 22 vendet e tjera të listuara në bazën e të dhënave të Ministrisë së Bujqësisë, ku përqindja e eksporteve nga kompanitë nga të dy vendet ishte 54.66%.
Nga data 8 tetor deri më 11 shkurt, numri i toneve të frutave dhe perimeve që mbërritën në Izrael arriti në 119,715 tonë, nga të cilat 65,410 ton erdhën nga Turqia dhe Jordania.
Vetëm kompanitë turke eksportuan 39.713 ton perime dhe mollë, ndërsa kompanitë jordaneze 25.697 ton lloje të ndryshme perimesh. Të dhënat tregojnë se 6 vende kanë eksportuar më së shumti këto produkte që nga fillimi i luftës: Turqia, Jordania, Holanda, Italia, Franca dhe Kina.
Një analizë e të dhënave nga Ministria e Bujqësisë së Izraelit tregon se importet e produkteve turke kanë shënuar një rritje të lehtë të normës mujore gjatë muajve tetor 2023 deri në shkurt 2024.
Ndryshe nga Turqia, eksportet e kompanive jordaneze filluan në një nivel të ulët me fillimin e luftës në Gaza, por që u dyfishuan nga tetori 2023 deri në shkurt 2024, pavarësisht fushatave të bojkotit dhe protestave kundër luftës së Gazës. /tesheshi.com/
