Kjo tavë është me të vërtetë shumë e thjeshtë në përgatitje. Mjafton ti vendosim e ti pjekim në tavë të gjitha perimet dhe pjata është gati. Mund të shtoni sipas dëshirës edhe perime të tjera.
Përbërësit për Tavë me perime të ndyshme
1 karrotë
1 spec
1 kungull i vogël
1 patate
1 finok
1 patëllxhan i vogël
200 gr lulelakër jeshile
1 qepë
pak vaj ulliri
pak kripë
pak rigon
Përgatitja
Lajmë mirë të gjitha perimet. Qërojmë pataten, qepën dhe karrotën. I presim perimet ne copa dhe i vendosim në një enë të madhe. Pasi i kemi prerë të gjitha, i hedhim sipër kripë, shumë rigon e vaj ulliri. I përziejmë mirë me lugë druri. Në një tavë vendosim letër furri e mbi të hedhim perimet. Shtojmë dhe 2-3 lugë uji dhe e vendosim tavën të piqet në furrë. Pasi janë pjekur, i shërbejmë perimet të ngrohta ose edhe të ftohta janë të shijshme./AG/kohaislame.com
Ju bëftë mirë!
