Ministri i Punëve të Brendshme, Xhelal Sveçla në Ditën Ndërkombëtare të Zjarrfikësve, ka thënë se zjarrfikësit na mësojnë mbi përkushtimin, angazhimin e sakrificën.
Ai ka thënë se janë të vetëdijshëm për punën sfiduese që ata bëjnë, transmeton Telegrafi.
“Ne jemi të vetëdijshëm se përveç punës sfiduese, zjarrfikësit ballafaqohen edhe me probleme të mëdha të cilat e kërkojnë dhe do ta kenë ndihmën tonë. Përveç përmirësimit të kushteve të punës, do të zgjidhet përfundimisht edhe statusi i tyre juridik”, ka thënë Sveçla.
Tutje, ministri ka thënë se “si institucione të vendit do të angazhohemi maksimalisht që zjarrfikësit tanë të trajtohen me dinjitet, ashtu siç ata bëjnë punën e tyre çdo ditë, në shërbimin tone”. /Telegrafi/
