Sulltan Al Neyadi, astronauti i parë arab që ngjitet në ISS

Një kapsulë e SpaceX Crew Dragon ka mbërritur e sigurt në Stacionin Ndërkombëtar të Hapësirës (ISS), duke transportuar dy astronautë të ShBA-së, një kozmonaut rus dhe një astronaut të EBA për të filluar një mision shkencor gjashtëmujor.

Astronauti i Emirateve Sulltan Al Neyadi bëri histori më 3 mars duke u bërë arabi i parë që i bashkohet një misioni hapësinor afatgjatë që do të zgjasë gjashtë muaj si pjesë e ekuipazhit të SpaceX.

“Do të doja t’ju thosha faleminderit gjithashtu, për secilin. I falënderoj prindërit e mi, familjen time, udhëheqësinë tonë, Qendrën e Hapësirës Mohammed Bin Rashid, për besimin e tyre. Falënderoj të gjithë që na kanë trajnuar dhe na ka përgatitur për këtë mision. Ky është një lansim i mrekullueshëm”, dëgjohet duke thënë astronauti Al Neyadi, gjatë udhëtimit të tij drejt hapësirës.

Një kapsulë e SpaceX Crew Dragon ka mbërritur e sigurt në Stacionin Ndërkombëtar të Hapësirës (ISS), duke transportuar dy astronautë të ShBA-së, një kozmonaut rus dhe një astronaut të Emirateve të Bashkuara Arabe për të filluar një mision shkencor gjashtëmujor.

Anija kozmike fluturuese autonome e quajtur Endeavour u ankorua në stacionin hapësinor në orët e para të 4 marsit, gati 25 orë pas nisjes nga Qendra Hapësinore Kennedy e NASA-s në Cape Canaveral, Florida.

Lidhja u konfirmua ndërsa ISS dhe kapsula fluturuan së bashku me 17.500 milje në orë (28.164 km / orë) rreth 250 milje (240 km) mbi Tokë përgjatë bregut të Afrikës Lindore, sipas një transmetimi të drejtpërdrejtë të takimit në internet të NASA-s.





TRT Balkan