Studentët pritet të protestojnë sot para rektoratit të Universitetit të Prishtinës, për siç thonë, padrejtësitë që po bëhen me kandidatët për doktoraturë.
Sipas një njoftimi dërguar medieve, thuhet se qëllimi i protestës është shfaqja e pakënaqësisë së disa studentëve – kandidatë për doktoratë, të cilët “kemi ngelur jashtë listave të kandidatëve të pranuar”.
Kjo thuhet se është krijuar si pasojë e e vendimit të “jashtëligjshëm të Senatit të UP-se me numër 2/988”.
“Kërkesa jonë e vetme është shfuqizimi i këtij vendimi dhe rikthimi në lista dhe në studime ashtu si kemi qenë të ranguar para këtij vendimi të Senatit të UP-së”, thuhet në një komunikatë që u lëshua në emër të këtyre studentëve.
Protesta është paralajmëruar për orën 11:30./rel/kohaislame
