Stoltenberg: “Po” dialogut politik me Rusinë, “jo” kompromisit mbi parimet tona themelore

Sekretari i përgjithshëm i NATO-s, Jens Stoltenberg theksoi se nuk bëhet fjalë për lëshime për parimet bazë të NATO-s.


Sekretari i përgjithshëm i NATO-s, Jens Stoltenberg duke dhënë një mesazh mbështetës për përpjekjet e dialogut politik në marrëdhëniet NATO-Rusi, të cilat janë tensionuar me pretendimet për dislokim ushtarak në kufirin ukrainas, tha: “Po dialogut politik me Rusinë, por jo për kompromis mbi parimet tona themelore”.

Jens Stoltenberg ndau pikëpamjet e tij për Rusinë për mediat ndërkombëtare pasi dha mesazhin e unitetit dhe solidaritetit në mesazhet e tij zyrtare për Krishtlindje dhe Vitin e Ri.

Stoltenberg deklaroi se Rusia po ndërton një dislokim serioz ushtarak në kufirin ukrainas dhe se është e nevojshme të jenë vigjilentë për të kaluar një festë të sigurt të fundvitit.

Ai deklaroi se Rusia ka qenë agresive në të kaluarën, por sot nuk kërcënon drejtpërdrejt asnjë aleat të NATO-s, ndërkohë që politika e saj në kufirin me Ukrainën sjell pasiguri.

Duke thënë se duan të ulin tensionin me Rusinë, Sekretari i përgjithshëm i NATO-s, Jens Stoltenberg theksoi se nuk bëhet fjalë për lëshime për parimet bazë të NATO-s.