Në Stamboll është nënshkruar protokolli i mirëkuptimit për themelimin e Këshillit të Koordinimit ndërmjet Arabisë Saudite dhe Turqisë.
Sipas burimeve të Presidencës turke në praninë e Presidentit Rexhep Tajip Erdoan (Recep Tayiip Erdoğan) dhe Mbretit të Arabisë Saudite Selman bin Abdulaliz Al Suud dy ministrat e Punëve të Jashtme, Mevlut Çavushollu (Mevlüt Çavuşoğlu) dhe Adil bin Ahmet Al-Xhubejr kanë firmosur në Stamboll dokumentin për krijimin e Këshillit Koordinues Turko-Saaudit.
Këshilli ka për synim forcimin e bashkëpunimit strategjik ndërmjet dy vendeve, konsolidimin e lidhjeve miqësore si dhe fuqizimin e lidhjeve ndërmjet popujve.
Për krijimin e një këshilli të tillë ishte rënë dakord me Mbretin Selman gjatë vizitës zyrtare të Presidentit Erdoan në fund të dhjetorit të kaluar në Arabinë Saudite.
