Ajo është fituese e Çmimit Nobel për Paqen dhe një ikonë e rezistencës në mbarë botën.
Por heroina e Burmës (Mianmarit), Aung San Suu Kyi ka edhe një anë tjetër, të kundërt me imazhin e saj ikonik.
Ajo e humbi durimin gjatë një interviste me gazetaren e BBC, Mishal Husain, duke thënë me zemërim: “Askush nuk më tha se do më intervistonte një myslimane”.
Gjithçka erdhi pas pyetjeve të gazetares për 70-vjeçaren.
Qëndrimi i Suu Kyi ndaj dhunës që ushtrohet në vendin e saj ndaj minoritetet mysliman ka alarmuar gjithmonë edhe mbështetësit e saj më të dedikuar.
Por kur gazetarja Husain i kërkoi disa herë që të dënonte ndjenjat anti-islamike në vend dhe valën e masakrave ndaj myslimanëve, ajo refuzoi ta quante pastrim etnik.
“Mendoj se ka shumë budistë që po ashtu janë larguar nga vendi për arsye të ndryshme. Ky është rezultat i vuajtjeve tona nën një regjim diktatorial,” tha ajo.
Në vendin me shumicë budiste, komuniteti mysliman ka pasur probleme të vazhdueshme.
Myslimanët përbëjnë 4 përqind të popullsisë dhe janë bërë shpesh subjekt i masakrave.
Mendohet se Suu Kyi nuk donte të mërziste mbështetësit e saj duke komentuar dhunën ndaj myslimanëve.
https://www.youtube.com/watch?v=Qe3osHw8E24
