Mbrëmë në emisionin ‘Në Fokus’ që emetohet në Tv ART, anëtari i Kryesisë Qendrore i Lëvizjes BESA, Skender Rexhepi – Zejdi, shpjegoi dhe qartësoi shumë dilema që kohës së fundit janë temë diskutimi në opinion. Duke folur rreth ideologjisë së Lëvizjes BESA, Zejd Rexhepi potencoi:
“Për të gjithë ata që pyesin për ideologjinë e Lëvizjes BESA: BESA është identitet i pandashëm i shqiptarëve; BESA është premtim që nuk tradhton; BESA është shpresë për ardhmëri të ndritur; BESA është garancë për mirëqenie ekonomike; BESA është arsim dhe kulturë e avancuar e shqiptarëve; BESA ËSHTË SHPIRTI I SHQIPTARËVE.”
Më tej, Skender Rexhepi – Zejdi foli edhe mbi përpkrahjen masovike të popullatës që vjen si rezultat i kapaciteteve dhe gatishmërisë së Lëvizjes BESA për të ndryshuar gjendjen e shqiptarëve në Maqedoni.
