Mjafton të meditojmë rreth krijimeve madhështore që Krijuesi i Gjithësisë ka krijuar dhe do të vërejmë një pafundësi me argumente. Njëra prej tyrë është skeleti i njeriut! Thotë Krijuesi i Gjithësisë në Kur’anin famëlartë: “ Shiko si i kombinojmë eshtrat dhe pastaj i veshim me mish.” (Bekare:259) Të paktë janë ata njerëz të cilët dine me hollësi informacionet rreth skeletit të tyre. Me lejën e Zotit do të paraqisim një pasqyrim të saktë dhe të dobishëm për të gjithë. Skeleti i njeriut përbëhet nga 206 kocka dhe ndahet në dy pjesë. Pjesa e parë është skeleti qëndror që ka 80 kocka si psh, kafka, shtylla kurrizore dhe brinjër, pjesa e dytë është skeleti shtresë, që përbëhet nga 126 kocka prej të cilave janë: kockat e duarve dhe të këmbëve si dhe kockat që përbëjnë lidhjen e tyre me skeletin qëndror. Kockat ndryshojnë në madhësi, forme, përbërje gjatësi dhe në lloj. Trupi i njeriut përbëhet nga disa lloje kockash.
- Kocka të gjata.
- Kocka të shkurtra.
- Kocka të sheshta si: Kafka, brinjët dhe supi.
- Kocka të pasistemuara si: rruazat dhe disa kocka të fytyrës.
- Kocka të vogla si:kockat e gjunjëve.
Në këtë krijim të përsosur nga Krijuesi i Gjithësisë vlen të theksohet se në të gjitha këto nuk gjen qoftë edhe një kocke që mund të zëvendësohet me një tjetër. Secila prej tyre ka funksionin e vet të caktuar që nuk mund ta kryeje asnjë kockë tjetër. Secila prej tyre ka një formë, madhësi dhe një përbërje të veçantë që përshtatet me punën dhe detyrën ose funskionin që ka. Pra kocka e kafkës ka për detyrë mbrojtjen e trurit dhe ka një përbërje që përshtatet me detyrën që ka, kocka e legenit nuk ta kryejë punën që kryen kocka e kafkës.
Gjithashtu edhe kocka e shtyllës kurrizore përshtatet me detyrën që ka e cila është mbrojtja e palcës së kurrizit dhe lëvizja e trupit me kënde të caktuara, gjë që nuk mund të bëhet nga kocka e këmbët që është e drejte dhe joelastike. Kafka është një nga kockat më të forta gjë që përshtatet edhe me detyrën që ka. Asaj i duhet që të mbrojtë trurin që është një lënde xhelatinoze, delikate. Truri nuk i duron goditjet apo tronditjet që mund t’i shkaktojnë dëmtimet me ndonje prej qëndrave të tij dhe që mund të shkaktojë paralizimin e ndonjë pjese të trupit të njeriut. Kjo tregon se Krijuesi i Gjithësisë i ka krijuar kockat dhe i ka vendosur ato në vendin formën, funksionin, formën, madhësinë dhe përbërjen e përshatshme. Këndi që formojnë dy kockat e kofshëve është 125 gradë. Nëse ky kënd do të ishte pak më i madh apo pak më i vogël, kjo do të shkaktonte çalimin e njeriut dhe do ta pengonte ecjen e tij normale. Kjo tregon qartë se caktimi i këtij këdi prej 125 gradëve është bërë qëllimisht sepse është i vetmi kënd që lejon një ecje normale tek të gjithë njerzit. Po ashtu All-llahu ka bërë që kafka të mbrojë edhe organe të tjera përveç trurit. Ajo mbron edhe veshin, kanali i të cilit nuk është i drejte dhe pengon hyrjen e trupave të mprehtë. Të cilët pengohen nga kocka e kafkës.
Kjo tregon se Krijuesi i Gjithësisë i di më së miri pikat e dobëta të trupit prandaj i ka mbrojtur ato me një skelet të fortë kockor. Duke ditur se kafka qëndron në pjesën më të lartë të trupit, All-llahu e ka krijuar atë në një formë të përsosur, midis fortësisë e qëndrueshmërisë dhe peshës së saj të lehte, duke formuar në brendësi të kockës boshllëqe që e lehtësojnë peshën, por pa e dobësuar forcën e saj. Meqense truri është qëndra e drejtimit të të gjitha organeve të trupit dhe se duhet të komunikojne me pjesët e tjera të tij, All-llahu ka bërë që kafka të ketë në pjesën fundore të ssaj disa vrima të përshtatshme që lejojnë kalimin e nervave dhe envëve të gjakut. Vrimi ma e madhe është ajo ku del palcka e shtyllës kurrizore. Të gjitha këto argumente vërtetojnë se Kur’ani famëlartë është fjala e Krijuesit të Gjithësisë.
