Qeverisja e re e Damaskut, investim në motivim financiar
Ministri i financave i ri i Sirisë tha të dielën se qeveria e re do të rrisë pagat e shumë punonjësve të sektorit publik me 400 për qind muajin e ardhshëm pas përfundimit të një ristrukturimi administrativ të ministrive për të rritur efikasitetin.
Masa, me një kosto të vlerësuar prej 1.65 trilion paund siriane (rreth 127 milionë dollarë), do të financohet nga fondet ekzistuese shtetërore, ndihma rajonale, investime të reja dhe lirimi i aseteve siriane që mbeten të lidhura jashtë vendit.
“Kjo është masa e parë për të adresuar menjëherë situatën ekonomike të vendit,” tha për Reuters ministri i financave i qeverisë së përkohshme, Mohammed Abazid. Ai po ashtu tha se pagat e këtij muaji do të paguhen brenda javës.
Sipas Reuters, masa është pjesë e një plani më të gjerë strategjik nga qeveria e re e përkohshme e Sirisë për të stabilizuar ekonominë pas 13 vitesh lufte dhe sanksionesh.
Pagat e nëpunësve civilë sirianë nën regjimin e Bashar al-Assad ishin rreth 25 dollarë në muaj, duke i vendosur ata nën kufirin e varfërisë, së bashku me shumicën e popullsisë së vendit, tha Abazid. /tesheshi.com/
