Një zjarr i madh ka shpërthyer në një magazinë në perëndim të Stambollit, Turqi. Zjarri prodhoi një tym të trashë, që u pa nga largësi prej disa kilometrash përreth qytetit.
Magazina, që thuhet se përdoret për të ruajtur pajisjet shtëpiake, mori flakë në lagjen perëndimore të Stambollit, Esenyurt, të premten pasdite. Flakët u përhapën me shpejtësi të madhe, duke përfshirë ndërtesën në pak minuta, raportuan mediat lokale, duke cituar dëshmitarë okularë
Pamjet nga vendi i ngjarjes tregojnë një kolonë të madhe tymi të trashë të zi që del nga ndërtesa. Shtylla e tymit ishte aq e madhe sa u vu re nga zonat më të largëta të qytetit më të madh të Turqisë.
Thuhet se shpërthime të shumta të vogla kanë ndodhur brenda magazinës.
Zjarri kërkoi ndërhyrjen e rreth 105 zjarrfikësve dhe 39 makinave zjarrfikëse për ta shuar atë, tha zyra e guvernatorit të Stambollit në një deklaratë.
Sipas informacioneve të tij, askush nuk u lëndua nga zjarri, ndërsa mediat lokale raportuan se të paktën një zjarrfikës u prek nga tymi dhe mori ndihmën e parë në vendin e ngjarjes.
Shkaku i zjarrit nuk është përcaktuar ende zyrtarisht dhe ka nisur një hetim për incidentin.
