Shirat e dendur kanë përkeqësuar gjendjen e palestinezëve të zhvendosur në Rripin e Gazës në mes të luftës vdekjeprurëse izraelite në enklavën e rrethuar.
Shërbimi i Mbrojtjes Civile njoftoi se reshjet kanë shkaktuar dëme të rënda në tendat që strehojnë mijëra palestinezë të zhvendosur me ujërat që rrjedhin brenda tendave duke dëmtuar plaçkat dhe dyshekët e tyre.
Zëdhënësi i Shërbimit të Mbrojtjes Civile, Mahmoud Basal, tha se situata aktuale sinjalizon një “katastrofë të vërtetë humanitare” nëse nuk ndërhyhet menjëherë.
Shirat e dendur kanë prekur disa zona në të gjithë enklavën palestineze, veçanërisht atë qendrore dhe jugore.
Basal i bëri thirrje OKB-së dhe komunitetit ndërkombëtar që të ndërhyjë shpejt për të siguruar tenda dhe karvane për civilët e zhvendosur në Gaza gjatë dimrit.
/trt BALLKAN/
