“Krimea është pjesë sovrane e Ukrainës që u pushtua ilegalisht nga Rusia në vitin 2014”, tha Pentagoni
Departamenti amerikan i Mbrojtjes (Pentagon) tha se SHBA-ja do të vazhdojë të mbështesë Ukrainën në rast të një operacioni të mundshëm nga Kievi për të rimarrë Krimenë, raporton Anadolu Agency (AA).
“Ky departament ka thënë se ne do të jemi me Ukrainën për aq kohë sa të duhet. Kjo përfshin një operacion në Krime”, tha zëvendëssekretarja e shtypit e Pentagonit, Sabrina Singh, në një konferencë për media.
“Ukrainasit marrin vendime për operacionet e tyre dhe kur i zhvillojnë ato. Krimea është pjesë e Ukrainës”, theksoi ajo.
“Ne e kemi bërë shumë të qartë që në fillim. Nëse ata vendosin të kryejnë një operacion brenda Krimesë, ata janë pikërisht në kufijtë e tyre. Kjo është pjesë sovrane e vendit të tyre që u pushtua ilegalisht nga Rusia në vitin 2014”, tha Singh.
“Ata kanë çdo të drejtë ta marrin atë përsëri”, u shpreh zyrtarja e Pentagonit.
