Pengu amerikan: si u ndërhy në zgjedhjet e 2016-ës(ku fitoi Trump)?
Departamenti Amerikan i Shtetit ka ofruar një shpërblim prej 10 milionë dollarësh për informacion mbi ndërhyrjen e dyshuar ruse në zgjedhjet presidenciale të 2016-ës në SHBA.
“Departamenti i Shtetit po kërkon informacion në lidhje me Agjencinë e Kërkimeve të Internetit LLC (IRA), Yevgeny Viktorovich Prigozhin dhe subjektet dhe bashkëpunëtorët e lidhur rusë për ndërhyrjen e tyre në zgjedhjet amerikane”, tha Departamenti i Shtetit.
Shtetet e Bashkuara kanë vendosur tashmë sanksione ndaj individëve dhe subjekteve të lidhura me liderin dhe financuesin e IRA-s, “Russian Troll Farm”.
IRA është një kompani me bazë në Shën Petersburg, që zyrtarët amerikanë thonë se ishte e rëndësishme në përpjekjet e Rusisë për të ndërhyrë në zgjedhjet presidenciale të vitit 2016.
Departamenti i Shtetit shton se Prigozhyn është një shtetas rus që financoi IRA-n dhe se agjencia filloi operacionet për të ndërhyrë në sistemin politik amerikan që në vitin 2014. Ata akuzojnë se qëllimi i IRA-s ishte “të mbillte përçarje”.
Zyra e Prokurorit të SHBA-së vuri në dukje se si IRA përmbyti mediat sociale me raporte të rreme dhe teori konspirative për të shfrytëzuar ndarjet sociale në SHBA.
Qeveria ruse ka hedhur poshtë akuzat për ndërhyrje në procesin zgjedhor.
Marrëdhëniet mes Uashingtonit dhe Moskës kanë qenë të tensionuara vitet e fundit për shkak të akuzave se Rusia ndikoi në zgjedhjet e vitit 2016, për shkak të pushtimit rus të Ukrainës dhe sanksioneve perëndimore të vendosura ndaj Rusisë. /tesheshi.com/
