Omar Suleiman: “Elon Musk ka shtypur çdo buton të imagjinueshëm të Islamofobisë” brenda një jave
Studiuesi i njohur musliman shpreh gatishmërinë për të sfiduar dhe korrigjuar njeriun më të pasur në botë pas një serie postimesh të Elon Musk në platformën X. Sipas Suleimanit, këto postime janë “të rrezikshme dhe të pandershme” për një fe që ndiqet nga mbi 2 miliardë njerëz.
Omar Suleiman i ka bërë thirrje Musk-ut që të mos i fryje “zjarrit te Islamofobisë” në diskursin publik. Ai ka ftuar miliarderin për një bisedë, duke shprehur shqetësimin se Musk mund të jetë duke përhapur pa dashje narivat anti-muslimane përmes platformës së tij sociale.
Suleimani, imam, teolog, aktivist i të drejtave të njeriut dhe president i Institutit Yaqeen për Kërkime Islamike, akuzoi Musk-un për shpërndarjen e postimeve që “nxisin urrejtjen” dhe janë “të pandershme” ndaj Islamit.
“Kur një nga Teslas-at tuaja përfshihet në një aksident fatal ose shpërthen në zjarr dhe media i quan automjetet tuaja të pasigurta, ju shfaqni statistika për të sfiduar këto akuza dhe i kritikoni mediat për paragjykim,” shkroi Suleiman në llogarinë e tij në X, duke e etiketuar direkt Musk-un. “Megjithatë, gjatë javës së kaluar, ju keni prekur çdo buton të mundshëm të Islamofobisë, duke theksuar raste të përzgjedhura të incidenteve (të tmerrshme) që supozohet të kryhen në emër të Islamit.”
Suleiman theksoi se këto postime janë një sulm i padrejtë ndaj një besimi që ndiqet nga mbi 2 miliardë njerëz dhe janë të rrezikshme për pasojat që mund të kenë në rritjen e Islamofobisë.
Ftesa për dialog
Imami i njohur shprehu gatishmërinë për t’u angazhuar në dialog me Musk-un, nëse ky i fundit dëshiron “me të vërtetë” të kuptojë ndikimin e postimeve të tij. “Nëse nuk e dini që po e bëni këtë dhe dëshironi sqarim, unë dhe shumë të tjerë jemi të gatshëm të bisedojmë me ju. Por nëse kjo është një fushatë e qëllimshme shpifjeje, atëherë ju jeni pikërisht hipokriti që vetë e keni dënuar më parë,” shkroi Suleiman.
Fokusi i Musk-ut tek muslimanët, jo britanikët e bardhë
Në postimet e tij të fundit, Musk ka kritikuar personat me prejardhje muslimane dhe pakistaneze për përfshirjen e tyre në krime, duke anashkaluar faktin se shumica e britanikëve të bardhë janë gjithashtu të përfshirë në raste të ngjashme.
Rastet e tilla janë shfrytëzuar nga politikanët e ekstremit të djathtë për të lidhur abuzimin e fëmijëve me emigracionin dhe për të akuzuar kundërshtarët për fshehje.
Sidoqoftë, hulumtimet e sponsorizuara nga Zyra e Brendshme Britanike në vitin 2020 kanë hedhur poshtë mitin e “bandave aziatike të kujdesit”. Studimi konfirmon se shumica e grupeve të përfshira në abuzimin seksual të fëmijëve përbëhen nga burra të bardhë nën moshën 30 vjeç.
E verteta e bazuar ne statistika
Sipas një analize të vitit 2024 nga Qendra e Ekspertizës mbi Abuzimin Seksual të Fëmijëve, burrat me origjinë aziatike përbëjnë vetëm 7% të rasteve të abuzimit seksual, megjithëse përfaqësojnë 9% të popullsisë. Ndërkohë, burrat e bardhë, që përbëjnë 83% të popullsisë, janë përgjegjës për 88% të rasteve.
Nazir Afzal, ish-kryeprokuror i kurorës në Anglinë Veriperëndimore, kishte mirëpritur raportin, duke theksuar se “meshkujt e bardhë mbeten shkelësit më të zakonshëm, por kjo rrallë përmendet nga komentuesit e krahut të djathtë.”
Në kundërshtim me këto fakte, Musk vazhdon të përdorë platformën e tij për të përhapur narrativë të njëanshme që nxit Islamofobinë.
Burimi: TRT World
