Presidenti francez intervistë për të përditshmen franceze “Parisien Dimanche”
Në një kohë mjaft të vështirë për presidentin francez Nikolas Sarkozi ka shprehur besim në garën e tij për një mandat të dytë në krye të “Elysse”, ndërsa pretendoi se sondazhet që e shohin të pafavorizuar gabohen.
Sarkozy vlerësoi se: “Sondazhet janë të gabuara sepse nuk marrin në konsideratë mobilizimin masiv të popullsisë. Unë pres një pjesëmarrje rekord në raundin e dytë, pasi po konstatoj një nivel unik ndjeshmërie të popullsisë ndaj politikës. Për këtë arsye, kam një besim të patundur tek rizgjedhja ime, pasi francezët e kanë kuptuar se çfarë është më e mira për ta”.deklaroi Sarkozi në një intervistë për “Parisien Dimanche”,
57-vjeçari, edhe një herë më shumë përsëriti qëndrimin e tij për të mos përkrahur një koalicion me ekstremin e djathtë, në rast fitoreje.
”Mazhoranca dhe qeveria e ardhshme do të formohet nga bashkëpunimi i së djathtës republikane me forcat e qendrës”, deklaroi
Sondazhet tregojnë kandidatin socialist Fransua Hollande 8% përpara në zgjedhjet e raundit të dytë, por numri i të pavendosurve dhe paqartësia se për cilin do të votojnë 18% e elektoratit që mbështeti ekstremin e djathtë në raundin e parë e bëjnë garën që të jetë ende e hapur./BS/kohaislame
